Noun and verbs

Double role
നിങ്ങളുടെ ഇഷ്ടതാരങ്ങള്‍ സിനിമയില്‍ ഡബിള്‍ റോളില്‍ അഭിനയിക്കുന്നത് കണ്ടിട്ടുണ്ടല്ലോ? എന്താണ് നാടകത്തില്‍ ഇത് കാണിക്കാന്‍ കഴിയാത്തത്? ഒരേ നടന്‍ തന്നെ വേഷവും ഭാവവും മാറ്റി രണ്ടായി അഭിനയിച്ച് ടെക്‌നിക്കല്‍ ടച്ച് നല്‍കിയാണ് ഡബിള്‍ റോളില്‍ അഭിനയിക്കുന്നതായി നാം സിനിമയില്‍ കാണുന്നത്. ഇതുപോലെ ഇംഗ്ലീഷില്‍ ഒരു വാക്ക് തന്നെ ഡബിള്‍ റോളില്‍ വരാറുണ്ട്. എന്താണീ ഡബിള്‍ റോള്‍? ഒരു വാക്ക് തന്നെ noun ആയും verb ആയും അഭിനയിക്കുന്നു എന്നര്‍ത്ഥം. 8,9,10 ക്ലാസ്സുകളിലെ പാഠപുസ്തകങ്ങളില്‍ ഇതിനുളള ഉദാഹരണങ്ങള്‍ നിങ്ങള്‍ കണ്ടിട്ടുണ്ടാകാം. നിങ്ങളെ സഹായിക്കാനും കൂടുതല്‍ അറിവ് നല്‍കുവാനുമാണ് ഇവിടെ ശ്രമിക്കുന്നത്്.
ചില nounകളും verb കളും ഒരേ അക്ഷരത്തില്‍ തന്നെ കാണപ്പെടും. എന്നാല്‍ അവയുടെ ഉച്ചാരണത്തില്‍ മാറ്റമുണ്ടായിരിക്കും. ഉദാഹരണത്തിന് conduct, digest, escort, insult, produce, record തുടങ്ങിയ വാക്കുകള്‍ noun ആയും verb ആയും ഒരേ അക്ഷരം തന്നെ സ്വീകരിക്കുമെങ്കിലും അവയുടെ ഉച്ചാരണത്തില്‍ വ്യത്യസ്ത പുലര്‍ത്തുന്നവയാണ്. ഇവ ഉപയോഗിച്ചുളള ചില ഉദാഹരണങ്ങള്‍ ശ്രദ്ധിക്കൂ.
I do not approve of his cónduct. John Williams will condúct the symphony .
He subscribes to the Reader Dígest. Some food is difficult to digést.
Charlie will be her éscort. He will escórt her to the Prom.
That last remark was an ínsult. How dare you insúlt your father?
Celery and tomatoes are fresh próduce. These factories prodúce the finest widgets.
That’s his fifth platinum récord. Let’s recórd the baby’s first word.
ആദ്യം നല്‍കിയിരിക്കുന്ന വാക്യങ്ങളില്‍ ബോള്‍ഡ് അക്ഷരത്തില്‍ നല്‍കിയിരിക്കുന്ന വാക്കിനെ noun ആയി ഉപയോഗിച്ചിരിക്കുന്നു. രണ്ടാമത്തത്തില്‍ വാക്ക് verb ആയി മാറുന്നു. noun ആയി ഉപയോഗിക്കുമ്പോള്‍ accent (ഊന്നല്‍) വാക്കിന്റെ ആദ്യ ഭാഗത്തിലും (syllable), verb ആയി ഉപയോഗിക്കുമ്പോള്‍ accent വാക്കിന്റെ രണ്ടാമത്തെ ഭാഗത്തിലുമായിരിക്കും. Accent രേഖപ്പെടുത്തിയിരിക്കുന്നത് (ó) ശ്രദ്ധിക്കുമല്ലോ. ആദ്യത്തെ വാചകത്തില്‍ conduct എന്ന വാക്ക് noun ആയി ഉപയോഗിക്കുമ്പോള്‍ ഉച്ചാരണം കോണ്‍ടക്ട് എന്നാണെങ്കില്‍ രണ്ടാമത്തെ വാചകത്തില്‍ conduct എന്ന വാക്ക് verb ആയി ഉപയോഗിക്കുമ്പോള്‍ ഉച്ചാരണം കണ്‍ട്ക്റ്റ് എന്നാണ്.
മറ്റൊന്നു ശ്രദ്ധിക്കൂ.
Take his advice with a grain of salt. Who will advise the king?
He likes a warm bath. They bathe in the river.
It’s cold enough to see our breath. Don’t breathe the chemical fumes.
The shoes are made of cloth. Feed the hungry and clothe the naked.
He felt grief at the death of the child. He must be allowed time to grieve.
Here, I’ll give you half. The new invention will halve production costs.
ബോള്‍ഡായി നല്‍കിയിട്ടുളള വാക്കുകളാണ് noun ആയും verb ആയും ഉപയോഗിച്ചിരിക്കുന്നത്. രണ്ട് വാക്കുകളുടെയും ഉച്ചാരണം ഏറെക്കുറെ ഒന്നാണ്. എന്നാല്‍ അവയുടെ സ്‌പെലിംഗുകളില്‍ വ്യത്യാസം കാണാം. noun ആയി ഉപയോഗിക്കുമ്പോള്‍ advice എന്നും verb ആയി ഉപയോഗിക്കുമ്പോള്‍ advise എന്നുമാണ് ഉപയോഗിക്കുക.
noun ആയും verb ആയും ഉപയോഗിക്കാവുന്ന വാക്കുകളുടെ ഒരു പട്ടിക തയ്യാറാക്കാന്‍ ശ്രമിക്കൂ...
‘a’ കൊണ്ട് തുടങ്ങുന്ന ചില വാക്കുകള്‍ ഇവിടെ നല്‍കിയിരിക്കുന്നു. access, ache, act, address, aim, alert, answer, arrest, attack, auction. മറ്റ് അക്ഷരങ്ങള്‍ കൊണ്ടുളള വാക്കുകള്‍ കണ്ടുപിടിക്കാന്‍ ശ്രമിക്കൂ...